من طرف sadroo الجمعة 26 مارس 2010, 5:01 pm
الليلة حأدفع ليكم نكته طويييييييييييييييييييييلة ...
قالو عماد جا يخطب بت سعادتو الشاويش عوضين ...
أول يوم مشى عماد بيت ناس سعادتو عوضين ..
عماد عامل فيها الود ظريف وبيتخفف وكيف يا عمو ولا والله يا عمو و ....
وبعد ظرافتو دي أصلو ما داير ينبلع لي عمكم عوضين ...
عمكم عوضين شابكو ,, أنا يا ولدي شايفك ويييين !!!
عماد لا لا يا عمو ما أظن اتلاقينا قبل كدا ..
عوضين ياخ أنا متأكد شايفك ...
عماد يا عمو انا عمري كلو في امريكا .. انتا الا كان سافرت أمريكا !!
انتهى أول يوم ...
في الزيارة التانية ..............
عماد وأهلو .. كبسو ... وجايبين معاهم الهدايا والحركات
وعماد يتخفف ويتظارف ...
وعمكم عوضين ,,, ياولدي علييييييييييييييك الله أنا شايفك وين
عماد ياعمو يخلق من الشبه أربعين ,, أنا متأكد ما شفتك قبل كدا ..
وانتهى اليوم بعد ما الجماعة خطبو .....
عمكم عوضين يزرزر في راسو ,,, بس يموت ويعرف الاسمو عماد دا لاقاهو وين !!!!!!!
وجا يوم العقد ......................
وعماد يتظارف ...
وأصلو ما داير يتبلع لي عمكم عوضين ...
عمكم يشيل ويسأل ,,, عليك الله يا ولدي انا ما لاقيتك في حته قبل كدا !!!
عماد ,, ياعمو أنا متأكد ما لاقيييييييتك مااااااااااااالاقيييييييييييييتك ..
وبرضو ما داير ينهضم لي عمكم عوضين ...
أها الجماعة عقدو ... والناس تشيل وتبارك
عمكم عوضين لم في عماد ...
أها يا ولدي انت عقدت ,, ما توريني أنا شفتك !!!!!
عماد .. يا عم عوضين خلاص أنا حاوريك ...
شفتني في سجن كوبر ...
عوضين ,, كنت ضابط هناك
عماد لا لا
عوضين ,, أكيد جيت زيارة
عماد لا كنت مسجون
عوضين ,, معناها في شيكات بسيطة
عماد لا مسجون كاتل لي زول
عوضين ,,, أكيييييد حادث حركة
عماد لا كاتلو عديييييييييل مع سبق الإصرار والترصد !!!
عوضين وكاتلو في شنو ؟؟؟؟؟؟؟؟!!!!!!!!!!!!!! .................
عماد ,, كان كل ما يقابلني يسألني زي سؤالك دا ....
عمك عوضين ,, هههههههههههههههههههههههههههه
انا يا ولدي قنعت من شايفك وين ,, لكن تاني حرم ما اسألك !!!
