AMLSSA



انضم إلى المنتدى ، فالأمر سريع وسهل

AMLSSA

AMLSSA

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

رابطة طلاب علوم المختبرات الطبية بجامعة الزعيم الأزهري


3 مشترك

    كلنا من اجل تطوير AMLSSA

    sadroo
    sadroo
    المدير العام
    المدير العام


    الجنس : ذكر
    الدفعة : 13
    عدد المساهمات : 145

    كلنا من اجل تطوير AMLSSA Empty كلنا من اجل تطوير AMLSSA

    مُساهمة من طرف sadroo الخميس 03 سبتمبر 2009, 11:23 am


    أعضاء AMLSSA منتداكم الرائع
    والذي نسعى دوما لنجعل منه الأفضل

    ربما احتاج المنتدى الى اضافة او تعديل قسم معين
    حتى يكون اكثرا قربا وجمالا

    نرجو أن تمدونا باقتراحاتكم وارائكم حول تطوير منتداكم

    ولكم التحية ,,,
    [b]
    Narjisa
    Narjisa
    عضو نشيط جدا
    عضو نشيط جدا


    الجنس : انثى
    الدفعة : 16
    عدد المساهمات : 56

    كلنا من اجل تطوير AMLSSA Empty رد: كلنا من اجل تطوير AMLSSA

    مُساهمة من طرف Narjisa الخميس 24 ديسمبر 2009, 11:34 pm

    الزميل صدر الدين (صدروو
    فكرة عمل منتدى لكليتنا فكره اكتر من رائعه وده بدل على حبكم للكليه وقوة علاقتكم بها
    بصراحه كده المنتدى مامحتاج اي تعديل لكن ناقصاه اضافات كتيييييييييييييييره وهي الاعضاء
    مع احترامي للاعضاء المسجليين لكن يستحسن (مابقول المفروض لانو مابنضرب زول على يدو) انو
    يكون من كل دفعه 10 اواكثر افضل من انو يكون من كل دفعه 2 او 3 بالكتير وكده المنتدى حيبقى ذي ماقلت اكثر قربا وجمالا
    وبصراحه المنتدى حاليا ماشغال لانو العضو بدخل ساعه ويغيب اسبوع ,ده لانو الاعضاء بسيطين جدا والعضو لمن يحب يدخل عشان يطلع على المشاركات الجديده بيكون عارف انو (الموجودون حاليا:0عضو مسجل و100زااائر) ومامعروف انو ممكن يكون من ضمن ال100 ديل الاعضاء مادايرين يدخلو عشان مافي عضو بس كتر خيرهم جونا ضيوف 0000000ولا شنو0000
    تاني حاجه انا حاجه اسمها منتدى باسم املسا عرفتها صدفه بكتابة اسم جمعيه املسا على قوقل وفوجئت بالمنتدى لكن معذورين كان المنتدى ذي مابقولو جديد لنج وفيهو 3 اعضاء فقط وهم الاخوه والزملاء سانسابيلا وصدروو ومجاهد لكن سجلت بعد مده لاسباب0
    بعد الكلام الكتير ده قصدي الامانه الاعلاميه للرابطه مسؤوله باطلاع الناس على المنتدى لانو مافي زول عندو علم بيهو( معليش بس يستحسن الحاجه تكون رسميه معلن عنها ) واعلانكم للمنتدى يمكن كان في الاجتماعات يعني الناس الما في الرابطه ما عندها اي علم بالمنتدىــــــــــــــــــــ وانا مثال منهم لكن ماعندي المانع اني اعرف اخبار كليتي واشارك برأي والدليل اني عرفت المنتدى بالصدفه وقبل ايام سمعت بالمنتدى وقلت في نفسي قديييييييييييييييييييييييمه 0
    وكلنا من اجل تطوير كليتنا ولتكن علاقتنا بها لا تقتصر على الدراسه فقط


    عدل سابقا من قبل Narjisa في السبت 26 ديسمبر 2009, 3:30 am عدل 1 مرات
    sansabilla
    sansabilla
    عضو نشيط جدا
    عضو نشيط جدا


    مشرف قسم : الأدب والشعر
    الجنس : انثى
    الدفعة : 14
    عدد المساهمات : 107

    كلنا من اجل تطوير AMLSSA Empty رد: كلنا من اجل تطوير AMLSSA

    مُساهمة من طرف sansabilla الجمعة 25 ديسمبر 2009, 1:08 am

    فعلا يا نرجسة انتي ذكرت العوامل المهمة الي اثرت على تشاط المنتدى لكن نسيتي احد العوامل الي هي مشاركات الاعضاء ذاتها كل ما زادت مشاركات الاعضاء زاد احتمالية ظهورو على قوقل بالتالي انتشاره وانو يصبح اكبر
    بس فكرة انو قلة الاعضاء مشكلة دي ما حاجة بأيدنا او يدك الي بيدنا وبيدك مشاركاتنا واندماجنا في المنتدى وبالتالي تقوية علاقتنا عشان نكون مجتمع اكتر ظهورا وانتشارا في الشبكة العنكبوتية
    وانا فعلا بتفق معاك انو الرابطة المفروض تعلن عن المنتدى وتعلم جميع الطلاب
    ودا انشالله حيحصل في القريب العاجل بأذن الله
    وشكرا لك لفتح هذا النقاش
    وجميعا نحو الافضل
    Narjisa
    Narjisa
    عضو نشيط جدا
    عضو نشيط جدا


    الجنس : انثى
    الدفعة : 16
    عدد المساهمات : 56

    كلنا من اجل تطوير AMLSSA Empty رد: كلنا من اجل تطوير AMLSSA

    مُساهمة من طرف Narjisa الجمعة 25 ديسمبر 2009, 1:34 am

    شكرا سانسابيلا 000و الاعضاء بالجد ماقصروا بمشاركاتهم وابداعاتهم ومن البوست ده بشيد بيك وبباقي الزملاء الاعضاء وبمشاركاتكم الاكثر من رائعه0000
    ولو الامانه الاعلاميه اتحركت يمكن شويه المنتدى يتحرك اكتر( وبعدين عشان الناس الماعندها موضوع المابتعرف تستغل وقتها بدل ماتكون محتاره تكتب شنو على قوقل تدخل المنتدى وتشاركنا وتعرف اخبار كليتها) وما اظن في زول مابيحب يتعامل مع الكمبيوتر وخصوصا لمن يكون الموضوع بيهمو
    اصلو الناس مخلوعه بالتكنولوجيا
    sadroo
    sadroo
    المدير العام
    المدير العام


    الجنس : ذكر
    الدفعة : 13
    عدد المساهمات : 145

    كلنا من اجل تطوير AMLSSA Empty رد: كلنا من اجل تطوير AMLSSA

    مُساهمة من طرف sadroo الإثنين 04 يناير 2010, 2:36 am

    [center][/cen
    مشكورة نرجسة على موضوعك ,,
    حقيقة المنتدى يمثل المختبرات بطلابها قبل الرابطة ,, وصراحة ما كنت عاوز اربط اسمو باسم الرابطة لكن لقيتها الكيان الوحيد اللي بيجمع كل طلاب المختبرات وتمنيت انو المنتدى كمان يكون برضو الكيان الجامع لكل طلاب وخريجي كليتنا ...

    عشان كدا انا ما بطالب الرابطة ولا أمانتا الاعلامية بإعلام المنتدى ,,
    لكن بتمنى انهم يساعدونا في نشرو ..
    ونحنا كلنا كأعضاء منتدانا الغالي AMLSSA حقو نعمل نفرة لنشر المنتدى بالكلية ...
    أخر حاجة عاوز أقولها انو الاعلام بيعتمد عليكم ( أعضاء المنتدى ) في الأول والآخر .. وبصراحة الخريجين ومنهم أنا بقى صعب علينا الاعلام بالكلية ..
    تحياتي
    ter]
    Narjisa
    Narjisa
    عضو نشيط جدا
    عضو نشيط جدا


    الجنس : انثى
    الدفعة : 16
    عدد المساهمات : 56

    كلنا من اجل تطوير AMLSSA Empty رد: كلنا من اجل تطوير AMLSSA

    مُساهمة من طرف Narjisa الأربعاء 06 يناير 2010, 12:41 am

    اي حاجه ليها اوان
    بس كان قصدي انو المنتدى يعلن عنه بطريقه رسميه افضل من انو يكون موضوع للونسات
    ومااظن كان حتلقى اسم احلى من اسم الرابطه ,والرابطه مننا عشان كده قلت يساعدونا
    في النشر00
    sadroo
    sadroo
    المدير العام
    المدير العام


    الجنس : ذكر
    الدفعة : 13
    عدد المساهمات : 145

    كلنا من اجل تطوير AMLSSA Empty رد: كلنا من اجل تطوير AMLSSA

    مُساهمة من طرف sadroo الثلاثاء 12 يناير 2010, 9:18 pm


    صحيح مافي اسم اروع من اسم الرابطة AMLSSA
    وأكيد طبعا نحنا كلنا الرابطة ...
    بس لأنو عمل الرابطة محصور لطلاب السنوات الخمس بالكلية في حين انو فكرة المنتدى ان يكون جامع لكل طالب أو خريج وحتى أساتذة الكلية ...
    يعني يمكن يجي خريج أو استاذ يفهم انو المنتدى فقط للطلاب الحاليين بالكلية !!!,,


    منتدانا الغالي ما للونسة وبس يا Narjisa ..
    المنتدى هدفو في الأول انو يجمع الطلاب ومن ثم يتم تبادل المعلومات والآراء ...
    يعني يكون رابط لمعرفة الجديد وحل المشاكل والتواصل الثقافي والاجتماعي
    وزي ما شايفة قدامك عندنا قسم علمي خاص بالمختبرات وقسم ديني وثقافي ورياضي وحتى نقابي ناهيك عن الاجتماعي وغيره ..
    وان شاءالله نسمع آراء أكتر لنجعل من المنتدى الأفضل ...

    صراحة كلامك مافهمتو !!!


    دمتم بود ...

    Narjisa
    Narjisa
    عضو نشيط جدا
    عضو نشيط جدا


    الجنس : انثى
    الدفعة : 16
    عدد المساهمات : 56

    كلنا من اجل تطوير AMLSSA Empty رد: كلنا من اجل تطوير AMLSSA

    مُساهمة من طرف Narjisa الجمعة 15 يناير 2010, 6:13 pm

    ياصدروو............اتعمقت شديـــــــد في فهم الكلام الكتبتو انا
    وليه الخريج والاستاذ يفكر بالطريقه البحته دي ويقول المنتدى للطلاب الحاليين فقط يعني (عشان الاسم)معقوله بس
    وليه مايقول لطلاب الرابطه فقط ؟ في حين انو في الصفحه الرئيسيه مكتوب (رابطه طلاب ....)؟
    ده لانو كلمة رابطـــــه هنا مامعناها رابطه الكليه(طلاب الرابطه فقط)معناها بضم كل الطلاب واولهم الاساتذه والخريجين(الساس والرأس)
    وصراحه انت مافهمت حاجه من كلامي الكتبتو وده واضح من الرد, منتدانا الغالي لكل شي الحوار والثقافه والتعلم والاجتماعيات و...........كلامي سابقا كان عن اعلان المنتدى, انو يعلن عنو بطريقه اعلاميه جيده افضل من ان يتقال في ونسه من ونسات اي(شله),صاح دي طريقه للاعلام بس كان قصدي يعلن عن المنتدى بطريقه افضل من كده..
    واصلا كلامي من البدايه ما عن اسم المنتدى عن قلة عدد الاعضاء وقلت سابقا المنتدى ما محتاج تعديل محتاج اضافـــــــــات
    sadroo
    sadroo
    المدير العام
    المدير العام


    الجنس : ذكر
    الدفعة : 13
    عدد المساهمات : 145

    كلنا من اجل تطوير AMLSSA Empty رد: كلنا من اجل تطوير AMLSSA

    مُساهمة من طرف sadroo الخميس 22 أبريل 2010, 3:34 am


    يااااااااااااااا أسما ,,, معليش ...
    أنا زاتي لما قريتو قلت معقولة يكون فهمو كدا ...
    عموما أنا شكلي حآخد لي كورسات في اللغة البنقالية عشان تاني ما أفهمك غلط ...




    ههههههههههه
    بهزر والله

    Narjisa
    Narjisa
    عضو نشيط جدا
    عضو نشيط جدا


    الجنس : انثى
    الدفعة : 16
    عدد المساهمات : 56

    كلنا من اجل تطوير AMLSSA Empty رد: كلنا من اجل تطوير AMLSSA

    مُساهمة من طرف Narjisa الخميس 22 أبريل 2010, 5:07 am

    ما عندك مشكله انا بعلمك اللغه البنقاليه عشان اكسب
    الوقت لانو لسه في مواضيع حتنزل.......
    لكن التعامل صعب جدا مع المبتدئين!!!




    هههههههههههه
    والله انا كمان بهزر وبدون زعل
    وانت ماعندك مشكله(عوجه) بس يمكن كلامي
    ما كان واضح!!!!!!!!

      مواضيع مماثلة

      -

      الوقت/التاريخ الآن هو الجمعة 29 مارس 2024, 3:44 pm