AMLSSA

رابطة طلاب علوم المختبرات الطبية بجامعة الزعيم الأزهري


    ليه ما بنعرف بي البرامج زي باقي الدفعات ؟!!

    شاطر
    avatar
    bit 16
    عضو نشيط
    عضو نشيط

    الجنس : انثى
    الدفعة : 16
    عدد المساهمات : 34

    ليه ما بنعرف بي البرامج زي باقي الدفعات ؟!!

    مُساهمة من طرف bit 16 في الإثنين 23 نوفمبر 2009, 6:21 pm

    سلام ياجماعه اخباركم انشاءالله تمام
    اول حاجه نحن نفتخر بان يكون في اسبوع للتبرع بالدم بجامعتنا كل سنه او كل فتره من اي جهه ايا كانت
    لكن دايما لازم يكون في تنبيه لكل الدفع بانو حيكون في حاجه زي دي عشان الناس تقدر تشارك باي شي يسهم في ابراز الاسبوع بشكل جميل
    نحن (الدفعه 16) دايما مستبعدين من اي حاجه
    معليش على الصراحه بس نحن دايما حاسين انو نحن ماعندنا راي في اي حاجه دايما بنتفاجا بانو في موضوع في نفس اليوم الحيقام فيهو الموضوع
    بس بتمنى انو يكون في اعتبار للدفعه 16 ويتم اشراكها بكل البرامج زي باقي الدفع
    وعندي سوال هل انا عندي حق في كلامي ده كده ولا نحن برانا الحاسين بكده؟؟؟؟؟؟
    الرجاء الرد من اي شخص مشارك بهذا المنتدى
    وشكرا مع كل الحب وارجو ان تعذروني فهذا ما نحس به


    عدل سابقا من قبل sadroo في الإثنين 07 ديسمبر 2009, 1:23 am عدل 1 مرات (السبب : لابد أن يكون عنوان الموضوع دال على الموضوع !)

    SOUMA
    عضو جديد

    عدد المساهمات : 1

    رد: ليه ما بنعرف بي البرامج زي باقي الدفعات ؟!!

    مُساهمة من طرف SOUMA في السبت 28 نوفمبر 2009, 11:29 pm

    معليش يابت 16 الغلط منكم
    اكيد في الرابطه في امانه اعلاميه مسؤوله باطلاع الدفعات بالكليه عن النشاط المتفق القيام به
    سواء كان الاطلاع شفهي(قصدي يمشو لاي دفعه في مكان تواجدها ويكلموها بعد كده الباقي عليها) او
    يكون الاطلاع تحريري(بانو يكتبو في بوسترات مكان وزمان النشاط)
    وبعدين يابت 16 قلت(نحن الوحيدين الما بنكون عارفين)يعني الدفعات التانيه عارفه!!!!!!!!!!!
    (راجعي كلامك ده)00وكملو رابطتكم قبل ماتتخرجو
    avatar
    bit 16
    عضو نشيط
    عضو نشيط

    الجنس : انثى
    الدفعة : 16
    عدد المساهمات : 34

    سلام

    مُساهمة من طرف bit 16 في السبت 28 نوفمبر 2009, 11:57 pm

    شكرا ياsoumaعلى الرد
    بس معليش برضو نحن ماكنا عارفين في حين انو كل الدفع كانت عارفه
    avatar
    sadroo
    المدير العام
    المدير العام

    الجنس : ذكر
    الدفعة : 13
    عدد المساهمات : 145

    رد: ليه ما بنعرف بي البرامج زي باقي الدفعات ؟!!

    مُساهمة من طرف sadroo في الإثنين 07 ديسمبر 2009, 1:18 am



    التحية لكي العزيزة بت 16 ..
    أنا معاك في انو المفروض جميع الطلاب بالكلية يكونو عارفين
    وبشهد كمان انو الدفعة 16 فيها ناس نشيطين جدا جدا وننتظر منهم الكثير
    أكيد طبعا من حقكم انكم تكونوا عارفين بالبرامج ومن بدري كمان واي تقصير بلوم بيهو في المقام الأول أمانة الاعلام في الرابطة واللي ممكن من خلال مكتبها الخاص انو تبلغ أعضاءها أو ممثليها بالدفع أولا بأول ...
    لكن بقول برضو انو لابد ان يكون ممثلين الدفع يملكون المسؤولة والنشاط اللازم حتى لا يعرقلو عمل الرابطة ..
    ومن هنا أحب أن أقول وبمناسبة قرب انتخابات الرابطة أنو على كل طلاب الدفع ان يختاروا بأمانة أكثر الطلاب كفاءة ونشاط ومسؤولية ليمثلوهم بالرابطة

    وبدون زعل يابت 16 ممثلينكم في الرابطة !!! بس أسكتي ساي !!! أخير عدمهم !!!
    avatar
    bit 16
    عضو نشيط
    عضو نشيط

    الجنس : انثى
    الدفعة : 16
    عدد المساهمات : 34

    رد: ليه ما بنعرف بي البرامج زي باقي الدفعات ؟!!

    مُساهمة من طرف bit 16 في الثلاثاء 08 ديسمبر 2009, 1:48 am

    شكرا استاذ صدر الدين على الرد
    avatar
    sansabilla
    عضو نشيط جدا
    عضو نشيط جدا

    مشرف قسم : الأدب والشعر
    الجنس : انثى
    الدفعة : 14
    عدد المساهمات : 107

    رد: ليه ما بنعرف بي البرامج زي باقي الدفعات ؟!!

    مُساهمة من طرف sansabilla في الثلاثاء 08 ديسمبر 2009, 3:53 pm

    لك جزيل الشكر بت 16 لفتحك هذا الموضوع المهم جدا جدا جدا جداجدا......................جدا
    والله دي مشكلة حاصلة منذ امد الدهر في الكلية وشكلها حتكون ابدية
    والتقصير من الرابطة ومن الدفعة ذاتها
    الرابطة المفروض تبذل جهدها مش بس في اعلام الطلاب لكن في اشراكهم وادخالهم في الصورة ونوقف ظاهرة احتكار النشاطات على مجموعة معينة تلات ارباعهم عبارة عن مناظر

    واذا انت انتظرتي ان يتم اعلام دفعتك عشان يتم اعلامك انتي صدقيني لن يتم اعلامك ابدا ابدا ابدا
    شان كدا برااااااااك قومي فتشي واسالي سنايرك وبرالمتك وin english keeeeeeeeeep ur self in touch
    avatar
    bit 16
    عضو نشيط
    عضو نشيط

    الجنس : انثى
    الدفعة : 16
    عدد المساهمات : 34

    رد: ليه ما بنعرف بي البرامج زي باقي الدفعات ؟!!

    مُساهمة من طرف bit 16 في الأربعاء 09 ديسمبر 2009, 1:45 am

    شكرا سانسبيلا على الرد
    ولكن بقدر ما كانت الرابطه السابقه لديها ايجابيات كانت لديها سلبيات بقدر ايجابياتها
    هل من المعقول_كما ان سمعت_ان يتم تشكيل الرابطه السابقه في (الداخليه؟؟؟؟؟؟؟؟؟؟؟)
    صراحه حاجه تزعل اي زول
    وبعدين صدرالدين قال لي (ممثلينكم)في حين انه لدينا ممثل واحد فقط الرابطه لانه وبعد ان اتمو تشكيل رابطة مختبرات السابقه باين لقو شخص ناقص بالتالي دخلو في هذا المكان ممثلنا الرشيد حسن ولا احد غيره وبالمقابل 2 او 3 من كل دفعه
    لم اكتب هذا لاثارة مشكله معينه ولكن للانتباه لبعض الاخطاء الصغيره التي تترك تاثير مضاعف في نفس الطالب الذي يحس بالتجاهل وعدم الرغبه في وجوده
    وشكرا
    avatar
    sadroo
    المدير العام
    المدير العام

    الجنس : ذكر
    الدفعة : 13
    عدد المساهمات : 145

    رد: ليه ما بنعرف بي البرامج زي باقي الدفعات ؟!!

    مُساهمة من طرف sadroo في السبت 19 ديسمبر 2009, 5:53 pm


    يااااااااااااااااه ,, شكلك يا بت 16 شايلة مننا كتيييييييييير !!!
    قبل كل حاجة عاوز أقول بجد أنا انبسطت جدا لما قريت مقالك الأخير ,, حاجة تفرح انو مازال في ناس قلبها على الكلية ...
    بداية كل الناس عندها سلبيات والكمال لله بس البعرفو انو الناس لما بتذكر السلبيات بتذكر معاها حلول او آراء عشان يصلحو للأحسن ,, لكن انتي ذكرتي انو في سلبيات مع انك لا ذكرتي حلول ولا وضحتيها ,, صراحة ما فهمت حاجة !
    تاني حاجة .. برجع بقول زي ما وقفت وقلت في مواقف كتيرة انو أنا المسؤول الأول عن اي خرق في الدستور وقتها بحكم اني الامين العام - سابقا - ولسه مصر على انو مافي اي خرق ,, وبرجع بقول انو الرابطة لم تشكل من جديد ولكن حدثت تعديلات ادارية ,, وان اردتي لذلك تفصيل فلك ذلك ...
    اما اجتماعاتنا فزي ما عارفين من الصعب جدا انو نلم الناس في قاعة في زمن محدد بصورة دورية , والحل انو كنا بنجتمع في الداخلية والبيت والشارع كمان .. وللا عشان مافي مكان نخلي الشغل !!!
    الحاجة التالتة -وللأسف ماعارفينها انتو- انو في الرابطة عندكم 6 ممثلين هم الرئيس أو من ينوب عنه . اضافة الى الأمين المالي الاجتماعي الثقافي الاعلامي الرياضي بأسرة الدفعة ... يبقى كلامي انهم زي عدمم كان صحيح والدليل أهو انتو حتى ما عارفينهم ,, ومن هنا بشيد بالرشيد و الزميلة ميادة هم الوحيدين الكانو بيشتغلو وأكيد طبعا ما شملتهم بي كلامي الفات !!!ويستحقوا الاشادة ...
    أخيرا حاب أقول انو نحنا ابدا ما بنرضى انو نبعد دفعة عن العمل او نحتكروا بل بالعكس بنحب نستفزهم عشان يدوروا معانا - والله بنشحدم شحدة !!
    برجع بقول بجد والله كلام يثلج القلب انو ما زالت هناك اصوات تسأل وتأبى الابتعاد ,,, وما زالت الكلية بخيرها

    دمتم بود

    avatar
    bit 16
    عضو نشيط
    عضو نشيط

    الجنس : انثى
    الدفعة : 16
    عدد المساهمات : 34

    سلامات

    مُساهمة من طرف bit 16 في السبت 19 ديسمبر 2009, 11:52 pm

    ازيكم ياناس الclinical وطبعا نحن شغالينو الايام دي فدعواتكم بس.
    معليش ياصدروو بس في جزء مافهمتك فيهو لانك فجاه دخلت لي في اسرة الدفعه وكده
    وعلى فكره ياصدروو من دفعتنا ما كان في غير الرشيد ومياده في الرابطه
    لكن على العموم الغلطه اتصلحت من غير حلول او اقتراحات مني لانو كان حلها واضح .
    وكون انكم دخلتو من كل دفعه 5 صراحه دي حاجه عظيمه شديد بالذات لي ناس 17 عارفين ليه؟
    عشان حتى مثلا لو ناس ال17 مااشتغلو في الفتره دي ده ماحيمنعم من اكتساب الخبره من اخوانم في الدفعه 14-15 بغض النظر عن الدفعه 16 والتي هي فعلا لم تنجز شيئا يبدو واضحا للعيان لانها دخلت الرابطه على عماها -يعني مافي زول شرح ليهم مثلا دور الامين الجتماعي انو مفروض تعمل كده - ولكن............
    الدفعه 16 ناااااااااااااااااااااااااااااااااويه المره دي خلو بالكم ياناس 15 و14 انشاءالله تظهر الدفعه دي وتبقى احسن واحسن وتتفوق في كل المجالات باذن الله.
    مع احترامي.... Cool

      الوقت/التاريخ الآن هو الإثنين 21 مايو 2018, 6:53 pm