AMLSSA

رابطة طلاب علوم المختبرات الطبية بجامعة الزعيم الأزهري


    اللاب القديم ,, إلى أين !!!

    شاطر
    avatar
    sadroo
    المدير العام
    المدير العام

    الجنس : ذكر
    الدفعة : 13
    عدد المساهمات : 145

    اللاب القديم ,, إلى أين !!!

    مُساهمة من طرف sadroo في السبت 01 مايو 2010, 12:03 pm


    كلما دخلت الجامعة بلقى نفسي ماشي على اللاب القديم
    ليــــــــــه !!!
    والله ما عارف ,, يمكن اتعودت ,, زي ما كلنا في الـ13
    والدفع من قبلنا ..
    وحتى البعدنا ..

    اللاب القديم ,, بقيت بتحسر والله كلما وصلت عندو
    أكيد عارفين ليه ,,
    منظرو كفاية ويغني عن الجواب


    الحاجة العاوز أقولها إنو نحنا من زمان عندنا الفكرة في انو يكون مقر خاص بطلاب المختبرات
    وأول من قام بالعمل على الفكرة زميلنا العزيز بالدفعة العاشرة محمد نورالدين

    الحاجة اللي لازم نعرفها إنو كتير من الكليات عينها عليهو ,,



    وصراحة بي شكلو دا ,, تعبنا الزمان حيروح ساااااااي وحيروح معاهو اللاب مننا


    أرجو تفاعلكم



    دمتم بود

    avatar
    mojahid
    المشرف العام
    المشرف العام

    الجنس : ذكر
    الدفعة : 11
    عدد المساهمات : 113

    رد: اللاب القديم ,, إلى أين !!!

    مُساهمة من طرف mojahid في الثلاثاء 11 مايو 2010, 3:48 pm

    أولا أشكر أخونا محمد نور الدين على مجهودو الكبير القدمو خلال الفترات السابقه
    والحقيقه يا صدرالدين اللاب القديم وحتى اللاب اللى شالو ناس زراعه برضوا بتحسر
    عليهو الكانت الخطوات جاده فى أنو يدوهم اللاب التانى برضوا لولا وقوف بعض الشباب ومهعم بعض الاساتذه لمنعه من ناس زراعه ثم حاولو ناس طب وأيضا فشلوا .. المهم أنو كيف
    طلاب الكليه يحافظو عليهو ..ثم يستفيدو منه بقدر الامكان...وعندى بعض النقاط كملاحظات..
    1- بعد اخر زياره لى للجامعه شكل اللاب ما مبشر ابدا وسخ وكراتين وحاجات كتيره مفروشه
    كأنو مخزن بدون أى نظام؟؟
    2- يجب التواجدالدائم لطلاب الكليه بداخلة وممارسه نشاطهم الدورى وخصوصا الرابطه
    بكل ادب واحترم ..
    3- فى حال حدوث أى شئ أو اي سبب جعل الادارة تحاول أن تقتعل اللاب من الطلاب يجب علي الرابطه والطلاب وقفه صلبه من أجل أن يجدو البديل لطلاب الكليه من الاداره ليمارسو حقهم الشرعي
    داخل الجمعه
    وشكرا
    avatar
    sadroo
    المدير العام
    المدير العام

    الجنس : ذكر
    الدفعة : 13
    عدد المساهمات : 145

    رد: اللاب القديم ,, إلى أين !!!

    مُساهمة من طرف sadroo في السبت 22 مايو 2010, 5:04 pm


    بحب أرسل من هنا خالص شكري وامتناني للرائع بالدفعة 15 لؤي علي هو ومجموعة طلاب الدفعة 15
    على المجهود الكبير القدموهو عشان يغييرو شكل اللاب
    صراحة قامو بإنجاز كبير ,, رتبو اللاب وهذبو شكلو والآن بالجد بقى شيء رائع

    بجد والله يستاهلو كل الشكر وكامل الإمتنان

    وجزاهم الله خيرا عن كل المخبريين بالزعيم الأزهري


    ,,,,,,,,,,,,,,,,,,,,,,,,,,,,

    ومن هنا بارسل امنياتي لي شبابنا بالرابطة إنهم يقومو بالإجراء اللازم حتى تصدق ليهم الإدارة باللاب القديم كمقر دائم للرابطة
    وده ما طلب من الإدارة بل هو حق لازم نقلعو !!!!

    ربنا يعينكم

    لكم خالص التحايا
    avatar
    sansabilla
    عضو نشيط جدا
    عضو نشيط جدا

    مشرف قسم : الأدب والشعر
    الجنس : انثى
    الدفعة : 14
    عدد المساهمات : 107

    رد: اللاب القديم ,, إلى أين !!!

    مُساهمة من طرف sansabilla في الأربعاء 02 يونيو 2010, 11:28 pm

    فعلا موضوع مهم ويجب اخذه عل محمل الجد والله
    لان طلاب الكلية في امس الحاجة الى هذا اللاب
    ليس فقط كمعلم لطلبة المختبرات الطبية
    ولكن كمكان ممكن نمارس فيه النشاطات
    لانو لما يكون في نشاط او جلسة هو بكون الملجاء الوحيد
    فتخيلو لما يقتلع مننا حيكون موقفنا كيييييف
    والله يعين الطلبة ويثبتو وجودهم وينالو حقهم
    دائما حقنا مهضوم في الجامعة وكمان المجتمع
    النصر لنا النصر لنا
    هههههههه

      الوقت/التاريخ الآن هو الأربعاء 17 أكتوبر 2018, 12:10 am